चौधरी उपसभामुख निर्वाचित, संघीय फोरम पनि पक्षमा
बुटवल : प्रदेश नम्बर ५ को उपसभामुखमा वामगठबन्धनका उम्मेद्वार कृष्णी चौधरी थारु निर्वाचित भएकी छन् । निर्वाचनमा संघीय समाजवादी फोरमले पनि चौधरीको पक्षमा मतदान गरेको छ ।
फोरमका पाँच जना सदस्यले उपसभामुख पदकी उम्मेद्वार कृष्णी चौधरी थारुको पक्षमा मत गरेका हुन् । उपसभामुखको निर्वाचनमा संसदमा मतविभाजन हुँदा कांग्रेसको तर्फबाट उम्मेदवार बनेकी रिना नेपाल विश्वकर्माको पक्षमा १९ मत मात्रै खसेको छ भने वाम गठबन्धनकी उम्मेदवार थारुको पक्षमा ६६ जना सांसदले मत जाहेर गरेका थिए । एक मात्र सदस्य रहेको जनमोर्चाले पनि वामगठबन्धनकै थारुको पक्षमा मत हालेको छ ।
संसदको बैठकले कार्यव्यवस्था परामर्श समिति समेत गठन गरेको छ । बैठक सुरु हुनासाथ जेष्ठ सदस्य पूर्णबहादुर घर्तीले मुख्यमन्त्रीमा शंकर पोखरेल नियुक्त भएको पत्र पढेर सुनाएका थिए । संसद बैठक साँझ ५ बजेसम्मका लागि स्थगित भएको छ ।
प्रतिक्रिया दिनुहोस !
