काठमाडौँ: तीनकुनेस्थित वागमतीको पुल निर्माणका क्रममा खानेपानीको पाइप फुटेर ठूलो मात्रामा पानी खेर गएको छ । पुल निर्माणका क्रममा ठेकेदारको लापरवाहीले खानेपानीको पाइप फुटेको हो ।
शनिबार अपरान्ह खानेपानीको मुल पाइपबाट पानी निस्किएर पुलको नयाँबानेश्वरतिरको क्षेत्रको संरचनामा पनि क्षति गरेको छ । पाइप फुटेपछि त्यहाँ अभाव झेलिरहने काठमाडौँका लागि ल्याइएको पानी खेर गएको रमिता हेर्नेको भीड नै लागेको थियो ।
बानेश्वर-कोटेश्वर सडक समेत केही समय अबरुद्ध भयो । एकातिर पुल निर्माणमा लापरवाहीसँगै अर्कातिर काठमाडौँ उपत्यका खानपानी लिमिटेड (केयुकेएल)ले ध्यान नदिँदा ठुलो परिमाणको खानपानी खेर गएको छ।
सडक र पुल निर्माणको क्रममा खानेपानी पाइप अड्याइएको पर्खाल भत्काएर अर्को अडेस नदिएपछि गाँसिएको ठाउँमा पाइप भाँचिएको हो ।
सरोकारवालाको लापरबाहीले कतिपय स्थानमा खानेपानीको पाइपमा ढलको पानी मिसिएर दुषित समेत भइरहेको छ । केयुकेल, महानगर र सडक विभागले निर्माणका क्रममा खानेपानीको पाइप संरक्षणमा ध्यान नदिँदा यस्तो भएको स्थानीय बताउँछन् ।
भिडियो
शब्द, तस्बिर: सुरेन्द्र काफ्ले
प्रतिक्रिया दिनुहोस !
