सुर्खेत: सुर्खेतको मालारानीको कोटखोला नजिक मंगलबार भएको ट्र्याक्टर दुर्घटनामा तीन जनाको मृत्यु भएको छ। मालारानी खरिगैरा बजारबाट सरिया लिएर सहारे जाँदै गरेको भे१ख ६१६८ नं ट्र्याक्टर कोटखोलानेर ओरालोमा गति नियन्त्रण गर्न नसकी पल्टिँदा चालकसहित तीन जनाको घटनास्थलमै मृत्यु भएको सुर्खेत प्रहरीले जनाएको छ। दुर्घटनामा दुई जना घाइते भएका छन्।
मृत्यु हुनेमा गुर्भाकोट–८ मेहेलकुना खटांगका फत्तबहादुर विक, शशिराम विक र नारायण खत्री रहेको जिल्ला प्रहरी सुर्खेतका प्रहरी निरीक्षक शंकर श्रेष्ठले जानकारी दिए । घाइतेको मेहलकुना अस्पतालमा उपचार भइरहेको छ।
प्रतिक्रिया दिनुहोस !
