वाम एकताः नयाँ पार्टीको विधान र संगठन टुंग्याउन उपसमिति
काठमाडौं: वाम एकताका लागि अन्तरिम विधान तथा संगठनात्मक ढाँचा तयार गर्न गठित कार्यदलको मंगलबार बसेको बैठकले दुई उपसमिति गठन गरेको छ ।
विद्यानको मस्यौदा तयार गर्न नेताहरू बर्षमान पुन र वेदुराम भुषाललाई जिम्मा दिइएको छ । त्यस्तै दुवै पार्टीका जनसंगठन , पेशागत संगठन, सामाजिक संगठनहरुको एकताको प्रक्रिया सम्बन्धी प्रस्ताव तयार गर्न नेताहरू गोकर्ण विष्ट र गिरिजमणि पोखरेललाई जिम्मा दिइएको छ ।
एमाले मुख्यालय धुम्वाराहीमा मंगलबार बसेको बैठकले २२ फागुन भित्र दुवै समितिले कार्यदलमा मस्यौदा बुझाउने गरी दुई उपसमिति गठन गरेको हो । मस्यौदा तयार भएपछि त्यसमाथि छलफल गरी टुंगोमा पु¥याइने कार्यदलका सदस्य वेदुराम भुसालले अन्नपूर्णलाई बताए ।
फागुन ७ मा वाम एकताको सहमतिकै दिन अन्तरिम विधान तथा संगठनात्मक ढाचा तयार पार्न रामवहादुर थापा, इश्वर पोखरेल , विष्णु पौडेल, वर्षमान पुन, सुरेन्द्र पाण्डे, वेदुराम भुषाल, रघुविर महासेठ र गिरिराजमणि पोखरेल, मातृका यादव, जर्नादन शर्मा रहेको कार्यदल गठन भएको थियो ।
कार्यदले एकता संयोजन समितिलाई अन्तिम प्रतिवेदन बुझाउन जम्मा १५ दिनको समय दिइएको छ ।
प्रतिक्रिया दिनुहोस !
