काठमडौं : संघीय समाजवादी फोरमलाई सरकारमा सहभागी गराउने विषयमा निर्णय वार्ता सिंहदरबारमा जारी छ । प्रधानमन्त्री तथा मन्त्रिपरिषद्को कार्यालय सिंहदरबारमा भएको वार्तामा सकारात्मक ढंगले अघि बढेको बताइएको छ ।
संविधान संशोधन र मन्त्रालयको विषयमा करिबकरिब सहमति भएको भए पनि फोरमले लिखित सहमती मागेपछि तीन दलले शीर्ष वार्ता सुरु गरेका हुन् ।
फोरमलाई समेत सरकारमा सहभागी गराएर मात्र सरकारलाई पूर्णता दिने तयारीमा एमाले अध्यक्ष एवम् प्रधानमन्त्री केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’ सक्रिय छन् । फोरमले नेपालको संविधान २०७२ को धारा ७४ को उपधारा (७) संशोधनको अडान राख्दै आएको छ । उक्त धारामा प्रदेशको सीमांकन सम्बन्धी व्यवस्था छ ।
बुधबार दिउँसो फोरमलाई सरकारमा सहभागी गराउने विषयमा एमाले अध्यक्ष ओली र माओवादी अध्यक्ष प्रचण्डसँगै गृहमन्त्री रामबहादुर थापा बादल, र नेता नारायणकाजी श्रेष्ठ छुट्टै छलफलमा बसेका थिए ।
प्रतिक्रिया दिनुहोस !
