काठमाडौँः नेकपा एमालेका नेता तथा पूर्वअर्थमन्त्री भरतमोहन अधिकारी अस्वस्थ भएका छन् । अस्वस्थ भएपछि अधिकारीलाई शुक्रबार ललितपुरको भैंसेपाटीस्थित मेडिसिटी अस्पतालमा भर्ना गरिएको पारिवारिक स्रोतले जनाएको छ ।
८२ वर्षीय अधिकारी लामो समयदेखि स्वासप्रश्वास र आमाशयसम्बन्धी रोगबाट ग्रसित छन् । गत वर्ष थाइल्याण्डको बैंककमा उनको उपचार भएको थियो । स्रोतका अनुसार अधिकारीको शुक्रबारै आमाशयको शल्यक्रिया गर्ने तयारी छ ।
प्रतिक्रिया दिनुहोस !
