काठमाडौं: शुक्रबार साँझ स्वयम्भुबाट हराएका बुद्ध थिङ विजेश्वरीमा भेटिएका छन् । ललितपुरको भट्टेडाँडास्थित भट्टेडाँडा आधारभुत विद्यालयमा कक्षा पाँचमा अध्ययनरत थिङ स्कुलका साथी र शिक्षकसँगै स्वयम्भू घुमेर फर्कने क्रममा शुक्रबार साँझ हराएका थिए ।
साथीभाइबाट छलिएर अलपत्र परेका उनलाई विजेश्वरीकै सन्नी गुरुङले शुक्रबार साँझ फेला पारेर आफ्नो घरमा लगेर राखेकी थिइन् । उनलाई शनिबार स्वयम्भू प्रहरीको रोहबरमा विद्यालयलाई बुझाइएको विद्यालयका प्रधानाध्यापक सीताराम चौरेले बताए ।
विद्यालयले कक्षा चारदेखि आठसम्म अध्ययनरत विद्यार्थीलाई छाउनीस्थित संग्रहालय र स्वयम्भू अवलोकन गराउन लगेको थियो । थिङ स्वयम्भूको शिखरबाट तल ओर्लने क्रममा छलिएर हराएका थिए ।
पढ्नुस्: फेरि हराए अर्का विद्यार्थी
पढ्नुस्: फूलचोकीबाट हराएका जोन जंगलमा भेटिए
प्रतिक्रिया दिनुहोस !
