काठमाडौँ: प्रदीप भट्टराईको निर्देशन रुहेको प्रतिक्षित चलचित्र 'शत्रु गते' को ट्रेलर सार्वजनिक गरिएको छ। शुक्रवार दिउँसो राजधानीमा एक कार्यक्रम गरेर यो चलचित्रको ट्रेलर सार्वजनिक गरिएको हो । ट्रेलरमा चलचित्रका प्रायजसो कलाकारलाई समावेश गरिएको छ।
यसअघि नै यो चलचित्रका का‘रुपै मोहनी’ र ‘पिरतीको बर्को’ गीत हिट भइसकेका छन् । गीतकै कारण पनि यो चलचित्र धेरैका लागि प्रतिक्षाको विषय बनेको छ ।
यो चलचित्रमा अभिनेता पल शाहले पहाडिया युवक र अभिनेत्री आँचल शर्माले मधेसी युवतीको भूमिकासहित अभिनय गरेका छन् । यो चलचित्र पल र आँचललाई बिहे गर्न नदिने पात्रहरु र मधेस-पहाडको कथामा केन्द्रित छ । यो चलचित्रमा प्रियङ्का कार्कीले प्रहरी निरीक्षकको भूमिका निर्वाह गरेकी छन् । प्रियङ्काका जोडीका रुपमा हाँस्य कलाकार दीपकराज जोशी रहेका छन् ।
यो चलचित्रमा हाँस्यकलाकार हरिवंश आचार्यसँगै निर्देशक दीपाश्री निरौला पनि उनकी पत्नीकारुपमा देखिन्छिन् । उनीहरुका छोरो बनेर पलले यसमा खेलेका छन् । ट्रेलरमा देखाइए अनुसार अभिनेता मदनकृष्ण श्रेष्ठ र किरण केसीको पनि यो चलचित्रमा अभिनय देख्न पाइने छ ।
प्रतिक्रिया दिनुहोस !
