हेटौंडा मेयर कप फुटबल सुरु
हेटौंडा : तेस्रो मेयर कप फुटबल प्रतियोगिता शनिबारबाट सुरु भएको छ । हेटटौंडा उपमहानगरपालिका र जिल्ला खेलकुद विकास समिति मकवानपुरको आयोजनामा सुरु भएको प्रतियोगिताको जिल्ला समन्वय समिति मकवानपुरका सभापति रघुनाथ खुलालले उद्घाटन गरे ।
हेटौंडा –४ स्थित हुप्राचौरमा सुरु प्रतियोगितामा १९ टोलीको सहभागिता रहेको छ । यसअघि नगर कपको नामले सञ्चालित प्रतियोगिता मेयर निर्वाचित भएपछि मेयरकप नाम दिइएको हो ।
प्रतियोगिताको उद्घाटन खेल हेटौंडा –१ स्थित पाथिभरा क्लब र ७ नम्बर वडाबीच भएको थियो । प्रतियोगितामा प्रथम हुने समुहले नगद एक लाख ५० हजार रुपैयाँसहित शिल्ड, मेडल र प्रमाणपत्र पाउनेछन् भने दोस्रो हुनेले नगद ७५ हजार हात पार्नेछन् । खेल नकाउट आधारमा सञ्चालन गरिएको आयोजकको भनाइ छ ।
प्रतियोगिता उद्घाटन कार्यक्रममा प्रमुख जिल्ला अधिकारी चक्र बुढा, उद्योग वाणिज्य संघ मकवानपुरका अध्यक्ष नवराज अर्याल, हेटौंडा उपमहानगरपालिकाका अधिकृत भिम तिमल्सिना लगायतले बोलेका थिए ।
प्रतिक्रिया दिनुहोस !
