नुवाकोटमा हुचिलसहित दुई पक्राउ
नुवाकोट: दुर्लभ वन्यजन्तु हुचिलसहित नुवाकोटमा प्रहरीले दुईजनालाई पक्राउ गरेको छ।नेपाल प्रहरीको केन्द्रीय अनुसन्धान व्यूरो र जिल्ला प्रहरी कार्यालय नुवाकोटवाट खटिएको विशेष प्रहरी टोलीले दुर्लभ वन्यजन्तु हुचिलसहित दुईजनालाई नियन्त्रणमा लिएको हो।
नुवाकोट प्रहरीका अनुसार गल्छी–देवीघाट सडकखण्डको बीचमा रहेको बेलकोटगढी नगरपालिका वडा नं. ७ को रातमाटेवाट सोही स्थानका ३७ वर्षीय कृष्णलाल श्रेष्ठ र तारकेश्वर गाउँपालिका वडा नं. २ का ३३ वर्षीय बलराम श्रेष्ठलाई नियन्त्रणमा लिइएको जिल्ला प्रहरी प्रमुख तथा प्रहरी उपरीक्षक वसन्तबहादुर कुंवरले बताए।
प्रहरीले बिक्रीका लागि हिँडिरहेको अवस्थामा नियन्त्रणमा लिइएकाको साथबट तीन थान हुचिल र सालकको मासुको सुकेको टुक्राहरु समेत बरामद गरी आवश्यक कारवाहीका लागि जिल्ला बन कार्यालय नुवाकोटमा पठाएको छ।दुर्लभ वन्यजन्तुसहित पक्राउ परेकालाई वन्यजन्तु संरक्षण ऐन अनुसार कारवाही हुने प्रहरीले जनाएको छ।
प्रतिक्रिया दिनुहोस !
