काठमाडौं : दिल्लीको इन्दिरपुर गाजियाबादमा श्रीमान् श्रीमती वाथरुममा मृत अवस्थामा भेटिएका छन्।शुक्रबार राति स्थानीय समयअनुसार ९:३० बजे उनीहरु नाङ्गै अवस्थामा बाथरुममा मृत भेटिएका हुन्।
मृतक निरज सिंघानियाका बुवाका अनुसार शुक्रबार साँभ ५:३० बजे घरका सदस्य होली खेल्न जाँदा उनका छोराबुहारी कोठामै थिए । करिब ७:३० बजे छोरा बुहारीलाई बोलाउन जाँदा ढोका ढकढकाइयो।
ढोका नखुले पछि उनी छोराबुहारी गहिरो निद्रामा छन् भनेर उनीहरु फर्किए। फेरि राति ९:३० बजे ढोका ढकढक्याउँदा भित्रबाट केही जवाफ नआएपछि कान्छो छोरालाई बोलाएर ढोका फुटाउँदा बाथरुमा उनीहरु नांगै बेहोस अवस्थामा भेटिएका थिए ।
लगत्तै उपचारका लागि स्थानीय अस्पताल लगिएको थियो।वेहोस अवस्थामा पुर्याइएका दुवैजनालाई अस्पतालले मृत घोषित गरेको हो।पोष्टमार्टमको रिपोट आउन भने बाँकी छ ।
प्रहरीका अनुसार मृतक ३८ वर्षीय निरज सिंघानिया र उनकी श्रीमती रुचि सिंघानिया एक निजी कम्पनीमा माथिल्लो पोस्टमा कार्यरत थिए।उनीहरुले २०१० सालमा विवाह गरेका थिए।मृतक दम्पतीका चार वर्षीय एक छोरी छन्।
प्रतिक्रिया दिनुहोस !
