काठमाडौं : नेपाली कांग्रेसको संसदीय दलको नेतामा कांग्रेस सभापति शेरबहादुर देउवाले उम्मेदवारी दर्ता गरेका छन् । आइतबार साँझ ६ बजेदेखि ७ बजेसम्मको समय दिएकोमा देउवाले ६ बजे नै पुगेर उम्मेदवारी दर्ता गराएका हुन् ।
विजयकुमार गच्छदारको प्रस्ताव र मानबहादुर विश्वकर्माको समर्थनमा देउवाले संसदीय दलको नेताका लागि उम्मेदवारी दर्ता गराएका हुन् । नेता प्रकाशमान सिंहले समेत उम्मेदवारी दर्ता गर्ने तयारी गरेका छन् । नेता सिंहले केही बेरमै उम्मेदवारी दर्ता गर्ने तयारी भइरहेको निर्वाचन समितिका संयोजक चीनकाजी श्रेष्ठले अन्नपूर्णलाई जानकारी दिए ।
प्रतिक्रिया दिनुहोस !
