देउवापछि कांग्रेस संसदीय दलको नेतामा प्रकाशमान सिंहको उम्मेदवारी दर्ता
फागुन २०, २०७४ आइतबार १८:४५:०
काठमाडौं : कांग्रेस संसदीय दलको नेताका लागि पार्टी सभापति शेरबहादुर देउवाले उम्मेदवारी दर्ता गरे लगत्तै नेता प्रकाशमान सिंहले उम्मेदवारी दर्ता गराएका छन् ।
नेपाली कांग्रेस संसदीय दलको विधान २०७४ को धारा ५ बमोजिम नेता सिंहले संसदीय दलको उम्मेदवारी दर्ता गराएका हुन् । सीतादेवी यादवको प्रस्तावक र सञ्जयकुमार गौतमको समर्थनमा नेता सिंहले संसदीय दलको नेताका लागि उम्मेदवारी दर्ता गरेका हुन् ।
केही समय अघिमात्र सभापति देउवाले विजयकुमार गच्छदारको प्रस्ताव र मानबहादुर विश्वकर्माको समर्थनमा उम्मेदवारी दर्ता गरेका थिए । साँझ ७ बजेसम्म उम्मेदवारी दर्ताका लागि समय तोकिएको छ ।
प्रतिक्रिया दिनुहोस !
