काठमाडौँः बार्सिलोनाका अर्जेन्टाइन स्ट्राइकर आफ्ना खेल जीवनमा गोल संख्या ६ सय पुर्याएका छन् । आइतवार राति स्पेनिस ला लिगा अन्तरगत एट्लेटिको मड्रिडविरुद्धको खेलमा गोल गर्दै मेसीले आफ्नो गोल संख्या ६०० पुर्याएका हुन् ।
मेसीले खेलको ३० औँ मिनेटमा एट्लेटिको मड्रिडको डी बक्स भन्दा केही बाहिरबाट पाएको फ्री किकलाई सुन्दर गोलमा परिणत गर्दै कीर्तिमानी ६ सयौँ गोल गर्न सफल भएका हुन् ।
सबैभन्दा रोचक कुरा त के छ भने मेसीले आफ्नो करिअरमा पहिलो गोल बार्सिलोनाकै लागि गरेका थिए । त्यसपछि करिअरको सयौँ, दुई सयौँ, तीन सयौँ, पाँच सयौँ र ६ सयौँ गोल पनि मेसीले बार्सिलोनाकै लागि गरेका हुन् ।
योसँगै मेसीले बार्सिलोना फुटबल क्लबका लागि ६२४ खेलबाट ५३९ गोल गर्न सफल भएका छन् । मेसीले आफ्नो देश अर्जेन्टिनाका लागि १२३ खेलबाट ६१ गोल गरिसकेका छन् ।
मेसीले सन् २००४-५ को सिजनमा बार्सिलोनाबाट डेब्यु गरेका थिए । त्यसयसता उनी बार्सिलोनाका लागि गोल मेशिन नै बनेका छन ।
प्रतिक्रिया दिनुहोस !
