काठमाडौं : कवि एवं साहित्य विकास परिषद् युकेकी वरिष्ठ सहअध्यक्ष कोमल मल्लको कविता संग्रह ‘म देश लेख्छु’ सोमबार एक कार्यक्रमका बीच विमोचन गरिएको छ । नेपाल प्रज्ञा प्रतिष्ठानको प्रवचन कक्षमा आयोजित कार्यक्रममा वाङ्गमय शताब्दी पुरुष सत्यमोहन जोशीले कविता संग्रहमा देश प्रेमको भावना पोखिएको धारणा राखेका थिए ।
समालोचक महेश पौड्यालले कृतिमा देशप्रेम, शान्ति, सामाजिक सद्भाव र सहिष्णुको पक्ष समेटिएको बताए । नेपाली साहित्य विकास परिषद नेपाल च्याप्टरले आयोजना गरेको उक्त कार्यक्रमममा संस्थाका अध्यक्ष ईल्या भट्टराई, कवि गोपाल पराजुली, प्राज्ञ प्राडा. ज्ञानु पाण्डे, संस्थाका सचिव डा. रेणुका सोलुलगायतले कवितासंग्रहमाथि धारणा राखेका थिए ।
प्रतिक्रिया दिनुहोस !
