काठमाडौँः नयाँ शक्ति नेपालका नेता खिमलाल देवकोटा नेकपा माओवादी केन्द्रमा फर्किने भएका छन् । उनलाई माओवादीमा स्वागत गर्न पार्टी केन्द्रीय कार्यालयमा मंगलबार दिउँसो २ बजे विशेष कार्यक्रम गरिँदैछ ।
देवकोटासहितका नयाँ शक्तिबाट आउन लागेका नेताहरुलाईलाई पेरिस माओवादी केन्द्रका अध्यक्ष पुष्पकमल दाहाल प्रचण्डले स्वागत गर्ने माओवादीको केन्द्रीय कार्यालयका सचिव प्रल्हाद बुढाथोकीले जानकारी दिए ।
नयाँ शक्ति नेपालका प्रवक्तासमेत रहेका देवकोटा माओवादीमा फर्किने भएपछि पार्टीका संयोजक बाबुराम भट्टराईसहितलाई झट्का लागेको छ ।
देवकोटा जनयुद्ध सुरु भएपछि माओवादीमा संलग्न भएर भूमिगत भएका थिए । बाबुरामले नयाँशक्ति बनाएपछि माओवादी छाडेका देवकोटा केही वर्षमै माओवादीमा फर्किन लागेका हुन् ।
नयाँशक्तिले हालै लुम्बिनीमा भएको एक कार्यक्रममा पार्टीको पुनर्जागरण अभियान तीब्र बनाउने निर्णय गरेको थियो ।
प्रतिक्रिया दिनुहोस !
