काठमाडौँ: संघीय समाजवादी फोरम नेपालका अध्यक्ष तथा प्रतिनिधि सभाका सांसद् उपेन्द्र यादवले पञ्चायतमा लागू भएको भूमिसुधार बहुदल आएपछि भुँडीसुधारमा परिणत भएको बताएका छन् ।
मंगलबार बसेको प्रतिनिधि सभाकको बैठकमा सम्बोधन गर्दै यादवले भूमिसुधारको नाम जग्गाको खण्डिकरण र चक्लाबन्दी मात्रै भएको गुनासो गरे । उनले कृषिमा आधुनिकरण गर्नुको विकल्प नरहेको बताउँदै पुरानो कृषि नीतिले काम नचल्नेमा पनि जोड दिए ।
यादवले प्रदेश सरकारलाई कमजोर होइन साधान स्रोत सम्पन्न गराएर मात्र मुलुकको समृद्धि हुने उल्लेख गरे। उनले वाम सरकारको ठूलो चुनौती भष्ट्राचार रहेको बताए । ‘भष्ट्राचार संस्थागत भएको छ', उनले भने, 'कमिशनतन्त्र नियन्त्रण नगरेसम्म मुलुक अगाडी बढ्दैछन ।’
आर्थिक रुपमा कालोबजारी, भष्टाचार र कमिशनतन्त्र अन्त्य नगरेसम्म मुलुकमा समृद्धि र विकास असम्भव रहेको बताए । उनले विकासको मुख्य आधार रहेको शिक्षाको अवस्था डामाडोल रहेको बताए ।
यादवले गतल नीतिका कारण शिक्षा क्षेत्र अस्तव्यस्त रहेको आरोप पनि लगाए । 'जलस्रोत, उर्जा, कृषिको सही उपयोग भए गरिबी र बेरोजगारी आफ्नै स्रोत साधानले हटाउन सकिन्छ', यादवले भने ।
प्रतिक्रिया दिनुहोस !
