एजेन्सी: श्रीलंकाले मंगलवार कोलम्बोमा खेलिएको ट्वान्टी-२० भिडन्तमा भारतलाई ५ विकेटले हराएको छ । श्रीलंकाले जीतका लागि पाएको १७५ रनको लक्ष्य पाँच विकेट गुमाउँदै १९ ओभरमा भेट्टाएको हो ।
तीन देशबीचोक यो प्रतियोगितामा श्रीलंकाले जितसहित सुरुवात गरेको हो । प्रतियोगिताको तेस्रो टिम बंगलादेश रहेको छ । भारतले अघिल्लो खेल ८ मार्चमा बंगलादेशविरुद्ध खेल्नेछ ।
श्रीलंका टीमको शुरुवात राम्रो रहेन । कुसल मेन्डिस केबल ११ रन बनाएर वाशिङ्गटन सुन्दरको बलमा आउट भए । धनुष्का गुणातिलके १९ रन बनाएर आउट भए तर तेस्रो नम्बरमा आएका कुशल परेराले ३७ बलमा ६६ रन बनाएर जितको जग बसाल्न सफल भए ।
उनले आफ्नो पारीमा छ चौका र चार छक्का हाने । उनलाई वाशिङ्गटन सुन्दरले आउट गरे । परेरा नै प्लेयर अफ द म्याच भए ।
त्यसैगरी दिनेश चाण्डीमल १४ र उपुल थरङ्गा १७ रन बनाउँदै आउट भए । पाँच विकेट गुमाएछि श्रीलंका टीम केही लडखडायो । तर दसुन शनाकाले १५ र थिसारा परेराले नटआउट २२ रन बनाउँदै श्रीलंकालाई नौ बल बाँकी रहँदै गतिलो जित दिलाए ।
यसभन्दा अघि भारतले शिखर धवनको ९० र मनीष पाण्डेयको ३७ रनको मद्धतमा निर्धारित २० ओभरमा पाँच विकेट गमाउँदे १७४ रन बनाएको थियो ।
भारतको सुरुवात गतिलो भएन । ओपनिङमा आएका कप्तान रोहित शर्मा खाता नै नखोली फर्किए । सुरेश रैना केबल एक रनमै आउट भए ।
त्यसपछि शिखर धवन र मनीष पाण्डेयले तेस्रो विकेटका लागि ९५ रन जोडे । मनीष ३५ बलमा ३७ रन बनाउँदै आउट भए ।
धवनले चौथो विकेटका लागि ऋषभ पन्तसँग ४९ रनको साझेदारी गरे । धवन ४९ बलमा ९० रन बनाउँदै आउट भए । उनले ६ चौका र ६ छक्का हाने ।
पन्तले २३ रन बनाए भने दिनेश कार्तिक १३ रनमा नटआउट रहे । श्रीलंकाका लागि दुष्मन्ता चमिराले ३३ रन दिएर २ विकेट लिए ।
प्रतिक्रिया दिनुहोस !
