यस्ता पनि फुटबल समर्थक ! ‘फस्ट्रेसन’ हटाउन स्टेडियममै हस्तमैथुन !
लन्डन : जर्मन फुटबलमा एउटा अनौठो घटना भएको छ, जसले बुन्डेस लिगा क्लब हेर्था बर्लिनलाई नै लज्जित तुल्याउने काम गरेको छ । हेर्था बर्लिनका एक समर्थक स्टेडियममै हस्तमैथुन गर्दागर्दै पक्राउ परेका छन् ।
गत शनिबार राति भएको बुन्डेस लिगामा हेर्था बर्लिन साल्केसँग १–० गोलले पराजित भएको थियो । सोही पराजयपछि निराश बनेका हेर्था बर्लिनका एक समर्थक स्टेडियममा हस्तमैथुन गर्दै गर्दाको अवस्थामा पक्राउ परेका हुन् ।
पक्राउ परेपछि ती समर्थकले आफ्नो 'फस्ट्रेसन’ हटाउन स्टेडियममै हस्तमैथुन गरेको बताएका छन् । सामाजिक सञ्जालहरूमा भाइरल बनेको फुटेजमा ती समर्थकले साल्केको समर्थक बस्ने प्यारापिटतर्फ पुगेर कसैको वास्ता नगरी हस्तमैथुन गरिरहेको देखिएको छ । फुटेजमा नजिकै रहेका अन्य समर्थकले पनि उनको कुनै वास्ता गरेको देखिँदैन ।
केही समयपछि स्टेडियमका सुरक्षाकर्मी आएर उनलाई पक्राउ गरेको देखिन्छ । ती समर्थकको त्यस्तो हर्कत हेर्था बर्लिनकै ठूलो आलोचनाको विषय बनेको छ । सोही फुटेज प्रयोग गरी साल्केका समर्थकले सामाजिक सञ्जालमा हेर्था बर्लिनको खिल्ली उडाउने काम गरेका छन् । सो खेलमा स्ट्राइकर मार्काे पिजाकाको सशक्त प्रहार गोलमा परिणत भएपछि साल्केले हेर्था बर्लिनलाई हराएको थियो ।
प्रतिक्रिया दिनुहोस !
