काठमाडौं : एजुसन पार्कको आयोजनामा ‘स्टडी इन अष्ट्रेलिया, शैक्षिक मेला २०७४’ फागुन २५ गते काठमाडौंको सुन्धारामा रहेको सिभिल मलको छैटौं तल्लामा आयोजना हुने भएको छ । अघिल्लो वर्ष झैं यो वर्ष पनि पार्कले अध्ययनका लागि अष्ट्रेलिया जान चाहने विद्यार्थीलाई लक्षित शैक्षिक मेलाको आयोजना गर्न लागेको हो ।
संस्थाका अनुसार नेपाली विद्यार्थीलाई अस्ट्रेलियाको शिक्षा प्रणाली, भिसा प्रक्रिया र छात्रवृत्ति बारेमा सूचना प्रवाह गर्ने उदेश्यले शैक्षिक मेला आयोजना गर्न लागिएको हो । मेलामा अष्ट्रेलियाका उत्कृष्ट २० बढी विश्वविद्यालय र कलेजको सहभागिता हुने बताइएको छ ।
साथै मेलामा नेपाल सरकार शिक्षा मन्त्रालयबाट परामर्श सेवा तथा भाषा शिक्षण सम्बन्धी निर्देशिका २०७३ बमोजिम शैक्षिक परामर्श सेवा उपलब्ध हुनेछ । मेलामा विद्यार्थीलाई आइएलटीएसमा उच्च अंक प्राप्त गर्ने टिप्स प्रदान गरिनुका साथै करियर काउन्सिलिङ समेत प्रदान गरिने आयोजकले जनाएको छ ।
प्रतिक्रिया दिनुहोस !
