काठमाडौंः नेत्रविक्रम चन्द नेतृत्वको नेपाल कम्युनिस्ट पार्टीले फागुन २५ र २६ गते बन्दको कुनै कार्यक्रम नराखिएको जानकारी गराएको छ ।
विप्लव नेतृत्वको नेकपाका केन्द्रीय सदस्य दिपेश रुङछेङबुङ राईले शुक्रबार र शनिबार आफ्नो पार्टीले बन्दका कुनै कार्यक्रम नराखिएको जानकारी गराएका हुन् ।
‘हामीले फागुन २५ र २६ गते बन्दका कुनै कार्यक्रम राखेका छैनौँ’, उनले भने, ‘हाम्रो नाममा कसैले बन्द गर्न खोजेको हो भने त्यो गलत हो ।’
शुक्रबार र शनिबार पूर्व माओवादी लडाकुको समूहले नेपाल बन्द गरेको भन्दै सर्वसाधरण त्रसित भएको अवस्थामा विप्लवबाट यस्तो स्पष्टोक्ति आएको हो । बन्दको हल्ला चलाउँदै हिँडेको अभियोगमा प्रहरीले बिहीबार माओवादीका केही पूर्वलडाकुहरुलाई पनि पक्राउ गरेको छ ।
प्रतिक्रिया दिनुहोस !
