माटोको ढिस्कोले पुर्दा एकको मृत्युु, तीन घाइते
अछाम : अछामको ढकारी गाउँपालिका वडा नम्बर ४ बलातामा माटोको ढिस्कोमा पुरिएर एक जनाको ज्यान गएको छ । ढकारी ४ भिरमुण टोलका काला थापाका छोरा १४ वर्षीय राजेश थापाको माटोको ढीस्कोमा पुरिएर ज्यान गएको हो । उजीसँगै माटोको लागी संगै गएका नारायण थापा, लक्ष्मण थापा र भरत थापा घाइते भएका छन् । नारायण र लक्ष्मणको हात खुट्टा समेत भाचिएर गम्भीर घाइते भएका र भरत समान्य घाइते अबस्थामा रहेका वडा अध्यक्ष भक्त बहादुर थापाले जानकारी दिए ।
गाउँबाट करिब ४ घण्टा टाढा भिरमुण खोलामा सेतो माटो ल्याउन उनीहरु त्यहा गएका थिए । घाइतेकोे बलाता स्वास्थ्य चौकीमा उपचार हुन नसकेपछि थप उपचारका लागि जिल्ला स्वास्थ्य कार्यालय अछाममा रिफर गरिएको छ ।
ज्यान गुमाएका राजेश मनकामना मावि बलातामा कक्षा ८ मा अध्ययनरत रहेको विद्यालयका प्रधानाध्याक राम बहादुर साउदले बताए । घटनाकोबारे आवश्यक अनुसन्धानको कार्य अघि बढेको जिल्ला प्रहरी कार्यालय अछामले जानकारी दिएको छ ।
प्रतिक्रिया दिनुहोस !
