एजेन्सी: अन्तरराष्ट्रिय क्रिकेट परिषद (आईसीसी) ले जिम्बाब्वेका तीब्र गतिका बलर ब्रायन भिटोरीको बलिङमा प्रतिबन्ध लगाएको छ । आईसीसी विश्वकप छनौट अन्तर्गतको खेलमा भिटोरीले गरेको बलिङ एक्सनलाई अवैध ठहर गर्दै आईसीसीले भिटोरीलाई प्रतिबन्ध लगाएको हो ।
आईसीसी क्रिकेट विश्व कप छनोट २०१८ को आयोजक समितिले भिटोरीको बलिङ एक्सनलाई अवैध ठहर गर्दै प्रतिबन्ध लगाएको हो ।
भिटोरीले नेपालविरुद्धको खेलमा जिम्बाब्वेका लागि २ विकेट लिन सफल भएका थिए । उनले ८ ओभर बलिङ गर्दै ४६ रन खर्चेर नेपाललाई झट्का दिएका थिए ।
आइतवार नेपालविरुद्ध खेलिएको अप्रसारित खेलपछि आईसीसीका अधिकारीहरुले बायाँ हाते २८ वर्षीय तीब्र गतिका बलरविरुद्ध रिपोर्ट गरिएको थियो । त्यसपछि भिटोरीको बलिङमा आईसीसीले यी वर्ष तेस्रो पटक प्रतिबन्ध लगाएको हो ।
आईसीसी अवैध बलिङ विनियमको अनुच्छेद ३.६.२ अनुसार, मंगलवार अफगानिस्तानविरुद्ध भएको खेलमा भिटोरीको बलिङ एक्सनको भिडियो कैद गरिएको थियो । उनको बलिङको भिडियो फुटेजमा इभेन्ट प्यानलका हेलेन बायन र मार्क किङ्गलाई जिम्मा लगाइएको थियो ।
पीटीआईका अनुसार जाँचपछि इभेन्ट प्यानलले भिटोरीको बलिङ एक्सन अवैध रहेको ठहर गर्दै अनुच्छेद ६.५ अनुसार अन्तरराष्ट्रिय क्रिकेटमा उनको बलिङलाई प्रतिबन्धित गरिएको हो ।
भिटोरीको बलिङमाथि आईसीसीद्वारा अनुमोदित परीक्षा केन्द्रमा उनले आफ्नो बलिङको आँकलन गराउँदैनन् तबसम्म अवैध मानिनेछ । आईसीसीले वैद्य ठहर नगरुन्जेल उनले मैदानमा उत्रिन पाउने छैनन् ।
यसैबीच इभेन्टको प्राविधिक कमिटीले विश्वकप छनोटका लागि जिम्बाब्वेको टिममा भिटोरीको सट्टा रिचर्ड नगारावालाई सामेल गर्न अनुमति दिएको छ ।
प्रतिक्रिया दिनुहोस !
