काठमाडौं : रेड पाण्डाको छालासहित प्रहरीले एक जनालाई पक्राउ गरेको छ। गोप्य सूचनाका आधारमा महानगरीय प्रहरी वृत्त महाराजगंज र प्रभाग गोगंबुको संयुक्त टोलीले रेड पाण्डाको छालासहित प्यूठान घर भएका ३० वर्षीय चन्द्रबहादुर बुढालाई पक्राउ गरेको हो।
प्रहरी टोलीले काठमाडौं महानगरपालिका १० गणेशस्थानमा रहेको निरज प्रधानको घरमा सञ्चालन भएको नमस्ते क्याफेबाट बुढालाई पक्राउ गरेको हो। रेड पाण्डाको छाला विक्री वितरण गर्न लागेको अवस्थामा शुक्रबार प्रहरीले उनलाई नियन्त्रणमा लिएको हो।
प्रहरीले उनलाई आवश्यक कारबाहीका लागि वन कार्यालय, हात्तिसार, काठमाडौंमा पठाएको छ।
प्रतिक्रिया दिनुहोस !
