हराएको २ दिनपछि मृत फेला
भोजपुर: रामप्रसाद राई गाउँपालिका -६ बैकुण्ठेस्थित आरीखोलाको गोरेटोबाटोमा एक व्यक्ति मृत फेला परेका छन् । बिहीबारबाट सम्पर्कविहीन भएका स्थानीय ४२ वर्षीय प्रेमकुमार राई घरदेखि करिब २ सय मिटर तल शुक्रबार मृत अवस्थामा भेटिएको जिल्ला प्रहरी कार्यालय भोजपुरले जनाएको छ ।
राईलाई रुखमा बेल्ट (पेटी) को पासो लगाएर झुण्डिएको अवस्थामा भेटिएको जिल्ला प्रहरी कार्यालय भोजपुरका प्रहरी निरीक्षक चरित्र विक्रम कार्कीले बताए।मृतक राईको शव पोष्टमार्टमका लागि जिल्ला अस्पताल भोजपुर ल्याइएको जिल्ला प्रहरी कार्यालय भोजपुरले जनाएको छ।
प्रतिक्रिया दिनुहोस !
