शान्तिका लागि तस्कर र भ्रष्टाचारी बाधक भएको गृहमन्त्री बादलको भनाइ

काठमाडौं : गृहमन्त्री रामबहादुर थापा ‘बादल’ ले शान्ति र स्थिरताका मुख्य बाधक तस्कर र भ्रष्टाचारी रहेको आरोप लगाएका छन् । गृहमन्त्रीको कार्यभार सम्हालेपछि पहिलो पटक आइतबार गृह मन्त्रालयमा पत्रकार सम्मेलन गर्दै उनले तस्कर र भ्रष्टाचारीको हातमा अर्थतन्त्र पुगेको बताए ।

गृहमन्त्री थापाले भने, ‘देशको अर्थतन्त्र उकास्न शान्ति र स्थिरता आवश्यक छ । अहिले हाम्रो अर्थतन्त्र भ्रष्टाचारी र तस्करको हातमा छ । अब यो बन्द हुनुपर्छ ।’ उनले भन्सारमा हुँदै आएको अर्बाैं रकमको तस्करी रोक्ने बेला आएको बताए ।

‘केही व्यवसायीले अर्बौं राजस्व नतिर्ने र राजनीतिक नेताबाट सिफारिस गराएर राजस्वबाट उन्मुक्ति पाउने आएका छन्’, उनले भने, ‘कर छली र हुन्डी कारोबारी भ्रष्ट र तस्कर नियन्त्रणमा नलिएसम्म देश विकास र समृद्धि सम्भव छैन ।’ उनले कालोधन विदेश पु¥याएर वैध बनाई अवैध बाटोबाट भिœयाउनेमाथि समेत कारवाही गर्न गृह तयार रहेको बताए ।

उनले अब गृहले भ्रष्ट र तस्करमाथि प्रहार गर्ने र प्रहरी प्रशासन तथा कर्मचारीतन्त्रमा देखिएको विकृति रोक्ने बेला आएको बताए । उनले देशमा दिगो शान्ति स्थापना, पूर्ण सुरक्षा तथा जीउधनको रक्षा र सुशासन कायम गर्न आफू तल्लीन भएर लाग्ने उनले दाबी गरे । शान्ति र स्थायित्व भाँड्न खोज्ने जोसुकैलाई पनि नछाड्ने दाबी उनले गरे ।