आज एक बजे राष्ट्रिय सभा अध्यक्षको मनोनयन, एमालेले ११ बजे उम्मेदवार टुंगो लगाउने
फागुन २८, २०७४ सोमबार ९:१३:०
काठमाडौं : सोमबार दिउँसो एक बजे राष्ट्रिय सभा अध्यक्षका लागि मनोनयन दर्ताको समय तोकिएको छ । अध्यक्षको उम्मेदवारका लागि बिहान ११ बजे नेकपा एमालेको बैठक बसी उम्मेदवार तय गर्ने भएको छ । एमालेका नेता एवम् एमाले केन्द्रीय कार्यालय सचिव कृष्णगोपाल श्रेष्ठले ११ बजे सिंहदरबारमा बस्ने शीर्ष नेताहरुको बैठकले उम्मेदवार टुंगो लगाउने जानकारी दिए ।
राष्ट्रिय सभा अध्यक्षका लागि एमालेका पोलिट व्यूरो सदस्य पर्शुराम मेघी गुरुङ र गणेशप्रसाद तिमिल्सेनाको नाम चर्चामा आएको छ । सुमन प्याकुरेल, बलराम बास्कोटा, खिमलाल भट्टराई, शेरबहादुर कुँवरलगायत आकांक्षी भएपनि गुरुङ र तिमिल्सेना मध्ये एक जना राष्ट्रिय सभाको अध्यक्ष उम्मेदवार बन्ने पक्का रहेको बुझिएको छ । अध्यक्ष पदको निर्वाचन भने बुधबार हुनेछ ।
प्रतिक्रिया दिनुहोस !
