काठमाडौँः त्रिभुवन विमानस्थलमा युएस–बंगलाको विमान दुर्घटना हुँदा कम्तिमा पनि ३६ जना यात्रुको ज्यान गएको छ ।
त्रिभुवन विमानस्थल कार्यालयका महाप्रवन्धक राजेन्द्रकुमार क्षेत्रीका अनुसार उद्दार गरेर अस्पताल पठाइएकामध्ये आठजनाको काठमाडौँ मेडिकल कलेजमा मृत्यु भएको हो ।
विमान दुर्घटनास्थलबाट २८ जनाको शव संकलन गरिएको छ । अन्य घाइतेको काठमाडौँ मेडिकल कलेज, नर्भिक अस्पताल र सिभिल अस्पतालमा उपचार भइरहेको छ ।
क्षेत्रीका अनुसार उद्दार गरिएर अस्पताल पठाइएका २५ मध्ये आठको ज्यान गएको छ भने १६ जनाको अहिले पनि उपचार जारी छ । सामान्य घाइतेहरु भएकाहरु उपचारपछि घर फर्किएका छन् । क्षेत्रीले उद्दारको काम करिब सकिएको पनि जानकारी दिएका छन् ।
युएस–बंगलाको ६७ यात्रु र ४ चालक दलसहित आएको विमान रन वे बाट चिप्लिएर दुर्घटनामा परेको थियो । दुर्घटना परेपछि जहाजमा आगो लागेको थियो ।
यो जहाजमा ३३ जना नेपाली, ३२ जना बंगलादेशी, २ जना माल्दिभस र १ जना चिनयाँ नागरिक सवार रहेका थिए ।
प्रतिक्रिया दिनुहोस !
