विमान दुर्घटनाः २२ नेपालीको मृत्यु, १० को उपचार हुँदै
काठमाडौँः युएस–बंगला एयरलाइन्सको विमान दुर्घटनामा कम्तिमा २२ नेपालीको ज्यान गएको छ । महानगरीय प्रहरी आयुक्तको कार्यालय रानीपोखरीका अनुसार अहिलेसम्म २२ नेपालीले ज्यान गुमाइसकेका छन् ।
विमानमा सवार ३३ नेपालीमध्ये अहिले १० जनाको विभिन्न अस्पतालमा उपचार भइरहेको छ । प्रहरीका अनुसार धापासीस्थित ग्रान्डी अस्पतालमा चारजनाको उपचार भइरहेको छ ।
त्यसैगरी थापाथलीस्थित नर्भिक अस्पतालमा तीनजनाको उपचार जारी छ । काठमाडौँ मेडिकल कलेजमा २ जना, बाँसबारीस्थित न्यूरो अस्पतालमा एकजनाको उपचार भइरहेको छ । अर्का एकजनाको भने अवस्था खुल्न नसेको महानगरीय प्रहरी आयुक्तको कार्यालयले जानकारी गराएको छ ।
प्रतिक्रिया दिनुहोस !
