काठमाडौं : महानगरीय प्रहरी वृत्त दरबार मार्गको प्रहरी टोलीले पाँच किलो लागु औषध (चरेश) सहित दुईजनालाई पक्राउ गरेको छ । सादा पोशाकमा दरबार मार्ग वृत्तबाट खटिएको प्रहरी टोलीले काठमाडौं-२, लाजिम्पाटबाट चरेशसहित दुई जनालाई प्रक्राउ गरेको हो ।
पक्राउ पर्नेमा तालावाङ-५, रोल्पा घर भई नवलपरासी गैंडाकोट बस्ने वर्ष ३२ का विजय घर्तीमगर र बाबियाचौर-४, म्याग्दी घर भई पोखरा नदीपुर बस्ने वर्ष ३० का सुमन रोका मगर रहेका छन् ।
उनीहरुलाई सोमबार साँझ ७.३० बजे चरेश बिक्री गरिरहेको बेला लाजिम्पाटको द इम्पोरियल क्याफे एण्ड रेष्टुरेष्टबाट पक्राउ गरिएको हो । पक्राउ गरिएका दुवै जनामाथि थप अनुसन्धान भइरहेको दरबार मार्गका प्रहरी प्रमुख डीएसपी दानबहादुर मल्लले जानकारी दिए ।
प्रतिक्रिया दिनुहोस !
