काठमाडौँः इङ्लिस क्लब म्यानचेस्टर युनाइटेड युरोपियन च्याम्पियन्स लिग फुटबल प्रतियोगिताबाट बाहिरिएको छ । क्वाटर फाइनलमा स्थान बनाउका लागि भएको दोस्रो लेगको खेलमा स्पेनिस क्लब सेभिल्लासँग २–१ ले पराजित हुँदै म्यानचेस्टर युनाइटेड अन्तिम १६ बाटै बाहिरिएको हो ।
तुलनात्मकरुपमा कम्जोर मानिएको सेभिल्लासँगको खेलमा युनाइटेडका स्टार खेलाडीहरु एलेक्सिस सान्चेज र लुकाकुसहितले घरेलु मैदानमै कुनै जादु देखाउन सकेनन् ।
सेभिल्लालाई अन्तिम आठमा पु¥याउने क्रममा बेन एड्डेरले चार मिनेटभित्र दुई गोल गरे । उनले खेलको दोस्रो हाफको ७४ र ७८ मिनेटमा गोल गर्दै युनाइटेमाथि सनसनी जित निकाल्न सहयोग गरे ।
पराजित भएको युनाइटेडका लागि खेलको ८४ औँ मिनेटमा लुकाकुले सान्तवना गोल गरे । युनाइटेडले पहिलो लेगमा सेभिल्लासँग गोलरहित बराबरी खेलेको थियो ।
प्रतिक्रिया दिनुहोस !
