काठमाडौँः बार्सिलोनका अर्जेन्टाइन स्ट्राइकर लियोनल मेसीले युरोपियन च्याम्पियन्स लिगमा सयौँ गोल गरेका छन् । चेल्सीविरुद्ध बिहीबार बिहान भएको खेलमा मेसीले तेस्रो मिनेटमै च्याम्पियन्स लिगमा व्यक्तिग ९९ सयौँ गोल गरेका थिए । त्यसपछि उनले खेलको ६४ औँ मिनेटमा पनि गोल गर्दै च्याम्पियन्स लिगमा गोल संख्या एक सय पुर्याएका हुन् ।
च्याम्पियन्स लिगको अन्तिम आठमा स्थान बनाउन भएको दोस्रो लेगको खेलमा मेसीले बार्सिलोनाका लागि अर्को गोलको पनि अवसर दिलाए । उनले खेलको २० औँ मिनेटमा डेम्बेलका लागि गोलको अवसर मिलाइदिएका हुन् । बार्सिलोनाका लागि डेम्बेलेको पनि यो पहिलो गोल हो ।
मेसीले उत्कृष्ट २ गोल गरेसँगै बार्सिलोनाले दोस्रो लेगमा ३–० को जित दर्ता गर्यो । बार्सिलोनाले मेसीको गोलमा पहिलो लेगमा चेल्सीसँग १–१ गोलको बराबरी खेलेको थियो ।
समग्रमा ४–१ को सहज जित निकाल्दै बार्सिलोनाले च्याम्पियन्स लिगको क्वार्टफाइनलमा स्थान बनायो । अब च्याम्पियन्स लिगको यो सिजन खेल्ने म्यानचेस्टर सिटी र लिभरपुल मात्रै बाँकी रहेका छन् । यसअघि टोटनह्याम र म्यानचेस्टर युनाइटेड अन्मित १६ बाटै बाहिरिइसकेका छन् ।
प्रतिक्रिया दिनुहोस !
