काठमाडौं : प्रतिनिधि सभाको उपसभामुखमा वाम गठबन्धनका तर्फबाट एमाले सांसद शिवमाया तुम्बाहाम्फे र कांग्रेसको तर्फबाट पुष्पा भुसालको उम्मेदवारी दर्ता भएको छ। तुम्बाहम्फेको प्रस्तावकमा माओवादीका देव गुरुङ र समर्थकमा एमालेका रवीन्द्र अधिकारी रहेका छन्।
भुसालको प्रस्तावकमा डिला संग्रौला र समर्थकमा देवेन्द्रराज कँडेल रहेका छन्।वाम गठबन्धनले अघि सारेकी तुम्बाहम्फेको पक्षमा स्पष्ट बहुमत रहेको छ। तुम्बाहाम्फे र भुसाल दुवै समानुपातिक सांसद हुन्। चैत २ गते दिउँसो १ बजे उपसभामुखको निर्वाचन हुने संघीय संसद् सचिवालयले जनाएको छ ।
प्रतिक्रिया दिनुहोस !
