काठमाडौं : आईसीसी विश्वकप छनोट अन्तर्गत एकदिवसीय मान्यताका लागि अहिले नेपाल र पपुवा न्यूगिनीको खेल जारी छ। टस जितेर पहिले फिल्डिङ गरेको नेपालले २७ दशमलव २ ओभरमा सबै विकेट लिएर पपुवा न्यूगिनीलाई ११४ रनमा समेटेको थियो।
सोही लक्ष्य पछ्याउने क्रममा नेपालले २१ ओभरमा चार विकेट गुमाएको छ। नेपालका आरिफ शेख २० दशमलव ६ ओभरमा ४२ बलमा २६ रन बनाएर आउट भएका छन् । यसअघि नेपालका कप्तान पारस खड्का ६ दशमलव पाँच ओभरमा आउट भएका थिए । पारसले नेपालका लागि १८ बलमा २० रन मात्र जोड्न सके।
नेपालका ओपनर ब्याट्सम्यान ज्ञानेन्द्र मल्ल र अनिल शाह आउट भइसकेका छन्। ज्ञानेन्द्र तीन बलमा एक रन बनाएर आउट भए भने अनिल ११ बलमा नौ रन बनाएर आउट भए।
अहिले क्रिजमा दीपेन्द्रसिंह ऐरी र रोहितकुमार पौडेल छन्। नेपालका लागि दीपेन्द्रसिंहले सर्वाधिक ४४ रन बनाएका छन् । ५४ बलमा उनले दुई छक्का र एक चौका प्रहार गरे ।
२२ ओभरको समाप्तिमा नेपालले चार विकेटको क्षतिमा १०६ रन बनाएको छ।
प्रतिक्रिया दिनुहोस !
