काठमाडौं : त्रिभुवन विश्वविद्यालयले पूर्वउपकुलपति डा. गोविन्द शर्माको निधनमा शोक मनाउन शुक्रबार देशभरका आंगिक क्याम्पसमा बिदा दिने भएको छ ।
शर्माको रुसको सेन्ट पिटर्सबर्गमा कलेजोको शल्यक्रियापछि गए राति ७५ वर्षको उमेरमा निधन भएको थियो ।
२०५९ सालमा उपकुलपति भएका शर्माको शव बिहीबार काठमाडौं ल्याएर त्रिवि स्मृति भवनमा शोकसभा गरिएपछि शुक्रबारका लागि बिदा दिइएको रजिष्ट्रार डिल्लीराम उप्रेतीले जानकारी दिए ।
उनका अनुसार पूर्वघोषित परीक्षाको कार्यक्रम भने यथावत् रहनेछ । रासस
प्रतिक्रिया दिनुहोस !
