काठमाडौँः युरोपा लिग फुटबल प्रतियोगिता अन्तरगत क्वार्टर फाइनलका लागि भएको अन्तिम १६ को दोस्रो लेगको खेलमा स्पेनिस क्लब एट्लेटिको मड्रिडले रसियन क्लब लोकोमोटिभ मस्कोविरुद्ध गोलवर्षा गरेको छ ।
फर्नान्डो टोरेसले २ गोल गरेपछि एट्लेटिकोले लोकोमोटिमाथि एकपक्षीय ५–१ को नतिजा निकाल्दै युरोपा लिगको क्वार्टर फाइनलमा स्थान पक्का गरेको छ ।
एट्लेटिकोका लागि टोरेसले ६५ र ७० मिनेटमा गोल गरे । त्यसैगरी अन्य गोल कोर्या, निग्युज र एन्टेनियो ग्रिजमनको नाममा रह्यो । लोकोमोटिभका लागि एक मात्र सान्तवना गोल र्योबसले गरेका थिए ।
पहिलो लेगमा ३–० को जित निकालेको एट्लेटिको मड्रिड समग्रमा ८–१ को एकपक्षीय नतिजासहित युरोपा लिगको अन्तिम आठमा पुग्न सफल भयो ।
प्रतिक्रिया दिनुहोस !
