च्याम्पियन्स लिगः युभेन्ट्स र रियल मड्रिडको भेट क्वार्टर फाइलनमै
चैत २, २०७४ शुक्रबार १७:१४:०
काठमाडौँः युरोपियन च्याम्पियन्स लिग अन्तरगत क्वार्टर फाइनल भिडन्तमा स्पेनिस क्लब रियल मड्रिड र इटालीयन क्लब युभेन्ट्स भिड्ने भएका छन् ।
शुक्रबार गरिएको ड्रमा डिफेन्डिङ च्याम्पियन रियल मड्रिडले कठिन प्रतिद्वन्द्वी युभेन्ट्ससँग क्वार्टर फाइनलमा भिड्ने भएको हो । अघिल्लो सिजन कार्डिफमा भएको फाइनलमा रियलले युभेन्ट्सलाई हराउँदै च्याम्पियन्स लिगको १२ औँ ट्रफी आफ्नो पोल्टामा पारेको थियो ।
ड्र अनुसार अर्को स्पेनिस क्लब बार्सिलोनाले इटालीयन क्लब रोमसँग प्रतिस्पर्धा गर्नुपर्ने भएको छ । बार्सिलोनाका लागि रोमा तुलनात्मकरुपमा कम्जोर प्रतिद्वन्द्वी हो ।
त्यसैगरी इङ्लिस क्लबहरु लिभरपुल र म्यानचेस्टर सिटी क्वार्टर फाइनल भिडन्तमा आमने सामने हुने भएका छन् । म्यानचेस्टर सिटी इङ्लिस प्रिमियर लिगको उपाधि नजिक पुगिसकेको छ । जर्मन क्लब बायर्न म्युनिखले स्पेनिस क्लब सेभिललाई क्वार्टर फाइनलको प्रतिद्वन्द्वी पाएको छ ।
प्रतिक्रिया दिनुहोस !
