काठमाडौँः आईसीसी विश्वकप क्रिकेट छनोट प्रतियोगिता अन्तरगत सातौँ स्थानका लागि नेदरल्यान्ड्सविरुद्धको खेलको तेस्रो बलमै नेपालले सफलता पाएको छ ।
नेपालका लागि सोमपाल कामीले तेस्रो बलमै विकेट लिँदै नेदरल्यान्ड्सका वेस्ली बर्रेसीलाईलाई पेभेलियन फर्काएका हुन् । तीन बलको सामना गरेको अवस्थामा बर्रेसीलाई सोमपालले अरिफ शेख मार्फत क्याच आउट गराएका हुन् ।
जिम्बाब्बेमा जारी एक दिवसीय विश्वकप छनोटको प्लेअफ अन्तरगत सातौं स्थानका लागि नेपालले नेदरल्याण्डको सामना गरिरहेको । नेदरल्याण्डले टस जितेर व्याटिङ रोजेपछि नेपालले फिल्डिङको निम्तो पाएको थियो ।
बिहीकारको खेलमा पयुवा न्युगिनीलाई पराजित गरेको नेपालले एकदिवसीय टोलीको मान्यता पाइसकेको छ । समूह चरणको तीन खेलमा पराजि भएर एक खेलमा मात्रै जित हात पारेको नेपाल सुपर सिक्समा पर्न नसकेका कारण विश्वकप छनोटबाट बाहिरिएको थियो ।
प्रतिक्रिया दिनुहोस !
