काठमाडौं : आईसीसी विश्वकप क्रिकेट छनोट प्रतियोगिता अन्तरगत सातौँ स्थानका लागि नेदरल्यान्ड्सविरुद्धको खेलमा नेपालले बलिङ गरिरहेको छ।
पहिलो ओभरमै दोहोरो सफलता पाएको नेपालले ४२ ओभरमा नेदरल्यान्ड्को ८ विकेट लिएको छ। नेपालका लागि सोपाल कामी एक्लैले चार विकेट, ललित राजवंशी र सन्दीप लामिछानेले दुईदुई विकेट लिए ।
पहिलो ओभरमा दुई विकेट लिएका सोमपालले ६ ओभरमा पुग्दा तीन विकेट र ४२ औं ओभरमा व्यक्तिगत चौथो विकेट लिएका हुन् ।
२८ औं ओभरको पहिलो बलमा नेपालका लागि पाँचौं विकेट लिएका ललितले ३७ औं ओभरमा व्यक्तिगत दोस्रो र नेपालका लागि छैटौं विकेट लिए । सन्दीप लामिछानेले ३८ औं ओभरमा व्यक्तिगत दोस्रो विकेट लिएका छन् । सोमपालले व्यक्तिगत चौथो विकेट ४२ ओभरमा लिएपछि नेदरल्याण्डको ब्याटिङ धरापमा परेको छ ।
नेपालको बलिङ सामना गरिरहेको नेदरल्याण्डले ४२ ओभर खेल्दा ८ विकेटको क्षतिमा १४४ रन बनाएको छ ।
प्रतिक्रिया दिनुहोस !
