धुलिखेल : बनेपा–पनौती सडकखण्डमा शनिबार दिउँसो मोटरसाइकल र मिनीबस ठोक्किँदा मोटरसाइकल चालकको मृत्यु भएको छ ।बनेपाबाट पनौतीतर्फ जाँदै गरेको बा २ ख ५६७५ नम्बरको मिनीबसले विपरीत दिशाबाट आएको बा ७२ प ४७८६ नम्बरको मोटरसाइकललाई ठक्कर दिएको थियो ।
मोटरसाइकल चालक रामेछाप चिसापानी–४ का बालकृष्ण श्रेष्ठको उपचारका क्रममा बनेपास्थित शिर मेमोरियल अस्पतालमा मृत्यु भएको जिल्ला प्रहरी कार्यालय धुलिखेलले जनाएको छ ।
प्रहरीका अनुसार गाडी जिल्ला प्रहरी कार्यालय धुलिखेलमा राखिएको छ भने चालकलाई इलाका प्रहरी कार्यालय बनेपामा राखिएको छ । रासस
प्रतिक्रिया दिनुहोस !
