काठमाडौं : विश्व बजारमा निरन्तर रुपमा माइक्रोम्याक्सले आफूलाई उत्कृष्ट ब्राण्डको रुपमा स्थापित गर्दै आएको छ । माइक्रोम्याक्सका फोनहरु बजेट अनुकुल फोनको लागि प्रसिद्ध छ ।
माइक्रोम्याक्सले सधैं उत्कृष्टताका साथ आफ्ना ग्राहकलाई खुसी राखेको छ । कम्पनीले हालै एक्स ४०९ बारफोन र क्यु ३५३ स्मार्टफोन नेपाली बजारमा सार्वजनिक गरेको छ ।
माइक्रोम्याक्सको एक्स ४०९ मोडलमा १.८ इन्चको स्कृन जडान गरिएको छ भने फ्रन्ट र रियर क्यामेरा जडान भएको छ । यो फोनमा २ वटा सिमकार्डको प्रयोग गर्न सकिन्छ ।
उक्त फोनमा ८०० एमएचको ब्याट्री प्रयोग गरिएको छ । यसका साथै एफएम रेडियो, भ्वाइसकल रेकडिङ, म्युजिक प्लेयर र भिडियो प्लेयर समेत जडान भएको छ । यस फोनको बजार मूल्य १०२५ रुपैयाँ रहेको छ । कम्पनीले यो फोनमा १०० दिनसम्म फिर्तागर्न सक्ने ‘रिप्लेसमेन्ट वारेन्टि’ जारी गरेको छ ।
कम्पनीले बजारमा ल्याएको बजेट स्मार्ट फोनमा क्यु ३५३ हो, यस फोनमा १.३ कोर र १ जिबि ¥याम रहेको छ । पाँँच इन्चको एचडी डिस्प्ले जडान भएको यस फोनमा ७२० १२८० पिक्सल रिजोलुसन रहेको छ ।
यो फोनमा दुई हजार एमएचको ब्याट्री प्रयोग भएको छ । जसको प्रयोगले भिडियो हेर्न र गेम खेल्न सहज हुन्छ । यसमा रियर र फ्रन्ट दुवै क्यामेरा पाँच मेगा पिक्सलको जडान भएको छ । यसमा ७.० नुगट अपरेटिङ सिस्तमको जडान गरिएको छ ।
यसमा प्रसस्त स्टोरेज क्षमता रहेको छ । १ जिबी याम र ८ जिबी रोम रहेको यस फोनमा ३२ जिबीसम्मको मेमोरीकार्ड प्रयोग गर्न सकिन्छ । थ्रिजी नेटवर्क सपोर्ट गर्ने फोनमा २ वटा सिमकार्डको प्रयोग गर्न सकिन्छ ।
माइक्रोम्याक्सको यो उत्कृष्ट प्रिमियम स्मार्टफोनहरु मध्येको एक, बहुप्रतिक्षित स्मार्टफोन क्यु ३ एन्ड्रोयड बजेट स्मार्टफोनको प्रिमियम मूल्य ६ हजार आठ सय २० राखेको छ । यो बजेट स्मार्टफोन बजारमा आएका अन्य बजेट स्मार्टफोनहरु भन्दा उत्कृष्ट फोनमा पर्छ ।
जसले कुनैपनि समयमा कार्य दक्षतामा कमी आउन दिँदैन् ।
प्रतिक्रिया दिनुहोस !
