भोजपुर : हतुवागढी गाउँपालिका –१ रानीबासमा आइतबार दिउँसो आगलागी हुँदा करिब २५ लाख बराबरको धनमाल जलेर नष्ट भएको छ । दिउँसो करिब २ बजेतिर सामुदायिक वनमा लागेको आगो बस्तीमा पसेपछि झप्पडबहादुर बस्नेतको २ तले घर भित्र रहेको अन्नपात, १ तोला सुन, २ तोला चाँदी, २५ हजार नगद र लत्ताकपडा सहित करिब २५ लाख बराबरको धनमाल जलेर नष्ट भएको जिल्ला प्रहरी कार्यालय भोजपुरले जनाएको छ ।
आगालागी हुनासाथ इलाका प्रहरी कार्यालय घोरेटारबाट करिब दुई किलोमिटर टाढा रहेको घटनास्थलमा इलाका प्रहरी कार्यालयको उद्धार टोली पुगेको थियो ।
स्थानीयको सहयोगमा करिब ३ बजे आगलागी नियन्त्रणमा लिइएको प्रहरीले बताएको छ । समयमा नै आगालागी नियन्त्रणमा आएपछि अन्य घरमा एवं मानविय क्षति नभएको प्रहरीको भनाइ छ ।
प्रतिक्रिया दिनुहोस !
