काडमाडौं : स्पेनिस ला लिगा अन्तरगत आइतबारको खेलमा रियल मड्रिडले गिरोनामाथि सानदार जित निकालेको छ। रोनाल्डो चम्किएको खेलमा रियल मड्रिडले गिरोनामाथि ६-३ को जित निकाल्न सफल भयो। रियल मड्रिडको घरेलु मैदानमा भएको खेलमा क्रिस्टियानो रोनाल्डो एक्लैले ४ गोल गरे भने बेल र लुकासले १-१ गोल गरे।
ला लिगाको यस सिजनमा मेसीको तुलनामा खासै गोल गर्न नसकेका रोनाल्डो गिरोनामाथि खेलको ११ औं, ४७ औं र ६४ औं मिनेटमा गोल गरी ह्याट्रिक गरेका हुन भने एक गोल ९० मिनेटपछिको अतिरिक्त समयमा गरेका हुन्। लुकासले ६८ औं मिनेटमा र बेलले ८६ मिनेटमा गोल गर्दा रियल मड्रिड ६-३ को रवाफिलो जित निकाल्न सफल भयो।
गिरोनाका लागि क्रिस्टियन स्टुनीले २९ औं र ६७ औं मिनेटमा गोरे भने डिफेन्डर रामिरेज लोपेजले ८८ औं मिनेटमा गोल गरे।
जितपछि २९ खेलबाट ६० अंक बनाएको रियल मड्रिड अंक तालिकाको तेस्रो स्थानमा रहेको छ।
प्रतिक्रिया दिनुहोस !
