बार्सिलोना अपराजित, उपाधि होडमा बलियो बन्दै
काडमाडौं : स्पेनिस ला लिगाको यस सिजनमा अपराजित रहेको बार्सिलोना उपाधि होडमा बलियो बन्दै गएको छ । आइतबारको खेलमा यथ्लेटिक बिल्बाओलाई २-० ले पराजित गरेको बार्सिलोनाले दोस्रो स्थानको यथ्लेटिको मड्रिडभन्दा ११ अंकको अग्रता कायम गरेको छ । आइतबार नै भएको खेलमा यथ्लेटिको मड्रिड भिल्लारियलसँग २-१ ले पराजित भई बार्सिलोनामाथि दबाब कामय गर्नबाट चुकेको छ ।
बार्सिलोनाको घरेलु मैदानमा भएको खेलमा बार्सिलोनाका लागि पाको अल्कासर ८ औं र मेसीले ३० औ मिनेटमा गोल गरे। खेलको दोस्रो हाफमा भने कुनै गोल हुन सकेन ।
यो जितसँगै अंक तालिकाको शीर्ष स्थानमा रहेको बार्सिलोनाले २९ खेलबाट ७५ अंक बनाएको छ। समान खेल खेलेका यथ्लेटिको मड्रिड ६४ अंकसहित दोस्रो, ६० अंक रहेको रियल मड्रिड तेस्रो, ५९ अंक रहेको भ्यालेन्सिया चौथो स्थानमा रहेका छन् ।
प्रतिक्रिया दिनुहोस !
