भोजपुर : भोजपुर नगरपालिका-३ सिद्देश्वर दाँवास्थित मंगलबार साँझ करिब ८ बजेतिर आगलागीले घर जल्दा तीन लाख बराबरको क्षति भएको छ । स्थानीय हस्तबहादुर जोगीको एकतले घर, गाईगोठ र घरभित्र रहेको अन्नपात जल्दा तीन लाख ९५ हजार बराबरको धनमाल जलेर नष्ट भएको जिल्ला प्रहरी कार्यालय भोजपुरले जनाएको छ ।
मंगलबार गाईबस्तुलाई खोले पकाउने क्रममा घरभित्र सल्किएको आगोले जोगीको घर पूर्ण रुपमा नष्ट भएको छ । घटनास्थलमा पुगेका स्थानीय र गुप्तेश्वर प्रहरी चौकीबाट खटिएको प्रहरी टोलीको संयुक्त प्रयासबाट आधा घण्टापछि आगो नियन्त्रणमा लिएको जिल्ला प्रहरी कार्यालय भोजपुरका प्रहरी निरीक्षक चरित्रविक्रम कार्कीले जानकारी दिए।
प्रतिक्रिया दिनुहोस !
