काठमाडौं : महानगरीय प्रहरी प्रभाग नागढुङ्गाले ठूलो परिमाणमा लागुऔषधसहित एकजनालाई बिहीबार पक्राउ गरेको छ ।
प्रभागबाट खटिएको टोलीले विराटगरबाट काठमाडौं आउँदै गरेको ना ७ ख ६३४२ नम्बरको यात्रुबाहक बस चेकजाँच गर्दा विराटनगरका २५ वर्षीय अमितकुमार साह परेका हुन् ।
प्रभागका प्रमुख केशवराज भट्टले साहबाट पाँच सय एम्पुल नुर्फिन, पाँच सय एम्पुल फेनार्गन, पाँच सय एम्पुल डाइजेल्याव र दुई सय ८० ट्याब्लेट नाइट्राजेपाम बरामद गरेको जानकारी दिए ।
पक्राउ परेका साहलाई थप अनुसन्धानका लागि महानगरीय प्रहरी वृत्त थानकोट पठाइएको प्रभागले जनाएको छ । रासस
प्रतिक्रिया दिनुहोस !
