ट्रयाक्टरबाट खसेर सहचालकको मृत्यु
विराटनगर : मोरङको रंगेली नगरपालिका ८ स्थित कानेपोखरी–चोप्राहा सडक खण्डमा ट्रयाक्टरबाट खसेर बिहीबार एक जनाको मृत्यु भएको छ।
को १ त ४५७९ नम्बरको ट्रयाक्टरबाट खसेर सहचालक रंगेली ७ का २५ वर्षीय विनोद मण्डलको मृत्यु भएको इलाका प्रहरी कार्यालय रंगेलीका प्रहरी निरीक्षक संजीवबाबू खड्काले बताए ।
दर्वेसाबाट रंगेलीतर्फ आउँदै गरेको ट्रयाक्टरको अगाडिको सिटमा बसेका मण्डल त्यहींबाट खसेका थिए । उनको घटनास्थलमै मृत्यु भएको प्रहरीले जनाएको छ । प्रहरीले ट्रयाक्टर नियन्त्रणमा लिए पनि चालक फरार रहेका कारण खोजी थालिएको जनाएको छ ।
प्रतिक्रिया दिनुहोस !
