काठमाडौँः नेपालस्थित पाकिस्तानी दुतावासले विभिन्न कार्यक्रम गरी ७८ औ राष्ट्रिय दिवस मनाएको छ । महाराजगञ्जस्थित दुतावास कार्यालयमा शुक्रवार विहान आयोजित एक विशेष समारोहमा नेपालका लागि पाकिस्तानी राजदुत माजार जावेदले झण्डोतोलन गरे ।
कार्यक्रममा पाकिस्तानी राष्ट्रपति र प्रधानमन्त्रीले राष्ट्रिय दिवसका अवसरमा दिएको शुभकामना सन्देश पढेर सुनाइएको थियो । कार्यक्रममा पाकिस्तानी दुतावासका अधिकारी, काठमाडौँमा रहेर विभिन्न पेशमा संलग्न पाकिस्तानी नागरिकहरुको उपस्थिति रहेको पाकिस्तानी दुतावासले जारी गरेको विज्ञप्तिमा उल्लेख छ ।
दुतावासले राष्ट्रिय दिवसको अवसरमा शुक्रवार बेलुका हायात होटलमा सांस्कृतिक कार्यक्रमसहितको रात्री भोज आयोजना गरेको छ । उक्त कार्यक्रममा उपराष्ट्रपति नन्दबहादुर पुन विशेष अतिथिको रुपमा उपस्थित हुने दुतावासले जनाएको छ ।
प्रतिक्रिया दिनुहोस !
