मेलम्चीमा बस दुर्घटना, तीनजनाको मृत्यु
सिन्धुपाल्चोकः काठमाडौँबाट मेलम्ची आइरहेको एउटा यात्रु बस शुक्रबार दिउँसो दुर्घटनाग्रस्त भएको छ । मेलम्ची आइरहेको बा२ख ४३२५ नम्बरको यात्रु बस मेलम्ची नगरपालिका–४ चारघरेमा दुर्घटनाग्रस्त हुँदा कम्तिमा तीन यात्रुको ज्यान गएको छ ।
तीब्र गतिमा रहेको बस घुम्तीबाट ४० मिटर तल खस्दा मेलम्ची–१० शिखरपुर बस्ने करिब ४० वर्षीय चन्द्रबहादुर देउजासहित तीनको ज्यान गएको जिल्ला प्रहरी कार्यालय चौताराका प्रहरी निरीक्षक हरिकृष्ण केसीले जानकारी दिए ।
अन्य दुई मृतकको सनाखत हुन सकेको छैन । दुर्घटनामा कम्तिमा १० जना घाइते भएका छन् ।
प्रतिक्रिया दिनुहोस !
