राजर्षि जनक कप: भुटानमाथि सर्लाहीको सहज जित
मलंगवा : सर्लाहीको वागमतीमा जारी राजर्षि जनक कपको दोस्रो संस्करण अन्तर्गतको खेलमा सर्लाही-११ ले भुटानको ड्रुग स्टारलाई ३-० ले पराजित गरेको छ ।
पहिलो हाफसम्म दवै टिमले राम्रो खेल देखाए पनि गोलरहित बराबरीमा रोकिए। दास्रो हाफमा सर्लाहीका स्ट्राइकर सनि चौधरी र अफ्रिकन मुलका खेलाडी गिब्रल कबोरीले राम्रो खेल देखाएपछि भुटान दबाबमा पर्यो ।
चौधरी र कबोरीलाई रोक्न भुटानका अधिकांश खेलाडी डिफेन्सिफ भए । दोस्रो हाफको ६३ औं मिनेटमा सनील लामाले दिएको पासलाई कबोरीले जाली चुमाउँदै खाता खोले । पहिलो गोल भएपछि भुटान दबाबमा देखिएको थियो ।
पहिलो गोल गरेपछि सर्लाही-११ का खेलाडीहरु केही रक्षात्मक देखिए । अधिकांश भुटानी खेलाडी आक्रमक भएको मौकाको फाइदा उठाउँदै खेलको ७८ औं मिनेटमा देव गुरुङ्गको पासलाई दोस्रो पटक पनि कबोरीले जाली चुमाउँदै स्कोर २-० मा पुर्याए ।
त्यसपछि इन्जुरी टाइमको अन्तिम मिनेटमा कबोरीको पासलाई देब गुरुङ्गले गोल गरे । खेलमा २ गोल गरेका कबोरी खेलको म्यान अफ द म्याच भए ।
शनिबारको खेल जावलाखेल ११ र सुदुर पश्चिम ११ बीच हुने बागमती युवा क्लबका अध्यक्ष किस्मत मैनालीले बताए ।
प्रतिक्रिया दिनुहोस !
